Glo dit of te nie, maar ek het die saak aan die roer gekry! Kan jy nou glo dat my “hobbies” n man so n bange hart kan besorg! Of dit die sex : ) saak is en of die regte ouens net my profiel aangeklick, sal ek nie weet nie. Ek is egter aan die brand met n “Kees”
Kees is n eie ondernemer (werk vir homself), wat in sy geval behels dat hy baie met wyn onderneem! As wynliefhebber en komende uit n wynland, het ons byna direk die “famueuse click” gehad wat elke man hier op die site soek. Liewe hemel, kan die elendige manne van n meer geleefde leeftyd kerm oor die “click”
“Bedankt voor jou berichtje, maar ik mis het click tussen ons!”
Goeie moer mense… dis nie dat ek vir die “BOX” n brief geskryf het met alle in’s en out’s van myself nie. Nee… die heldersienende sus en so, maak die bewering op n skaars bewoorde kontakversoek!
Oke…oke, ek weet al wat julle vir my gaan se! Ek weet ek het genoem dat ek nie goed is met die eerste kontakversoek of reaksie op syne nie, maar glo my vry… so bleddy sleg is ek nou ook nie!
Terug na Kees, veel interessanter. Hy het vir my n kontakversoek gestuur met daarin maar die gewone… ek lyk vir hom interessant, tipe van iets. Ek het myself oortref deur n reaksie te stuur wat hom weer terug laat skryf het. Ons is nou al n bietjie meer as n week aan die gang om oor en weer te skryf.
Bietjie vir bietjie begin ons nou al wyer te praat as net ons gemeenskaplike liefde vir wyn. Hy weet nou al hoe ek in Europa beland het en ek weet hoekom hy doen wat hy doen. En ons beweeg nou vinnig na die volgende fase van ons kontak. Dit kan twee dinge beteken! Vir die versigtige soort, gaan dit telefoniese kontak beteken vir n tydjie. Vir die “met ballen” soos my Hollandse medeburgers dit pragtig uitdruk, gaan dit n telefoon oproep wees om n date te reel.
Ek weet alreeds dat hy n date wil, dit het die man al laat deurskemer. Die vraag is of ons n tydjie op die telefoniese kontak platform gaan sit en of dit n hop en skip word na die afspraak! Daar is net een manier om dit agter te kom, versamel jou “ballen” en maak n voorstel om mekaar te bel. Het ek gedoen…?! En hy het gehap!
Hoi meisje,
Ik wil je morgenavond best wel bellen, maar ik kan je niet bellen want ik heb je telefoonnr niet, want die heb je niet gegeven in je mail van vandaag???
Ben het gewend om lange dagen te maken. Vroeger toen ik de winkel had maakte ik zes van zulke lange dagen (alleen zondags vrij). Het is nu een weelde om 2 dagen vrij te zijn en nog mooier om dat met iemand te delen??
Samen in het diepen springen hand in hand en niet los laten, dat is toch mooi??? Over de eerste afspraak heb ik een idee maar dat hoor je morgen van mij.
Morgen een leuke dag en tot morgenavond
XXX en groetjes
Kees
Mense, ek gaan lieg as ek se dat ek nie die bewerasies het nie. Wat is ons tog belaglik! Die rede vir my bewerasies is:
- Dit gebeur alles bleddy vinnig!
- Ek dink hy is oulik… maar ek weet nog nie seker nie, want…
- Dit gebeur alles bleddy vinnig!
Goed… goed, dit is dus n bietjie vinnig… hoe het dit nou weer gegaan toe ek jonk was? Hoekom was dit toe soveel meer normaler? Dit was n pal van n pal en julle het casual n aand deur gekuier en besluit om dit weer te doen of n stupid gesprek begin op die dansvloer of aan n kroegtoonbank en dit is weer herhaal! Dit was tog regtig net soveel normaler as dit waarmee ek nou besig is!
Hallo JC,
Ondanks de harde wind slaap lekker en tot morgen via de telefoon??
Groetjes, Kees
Aai… jai… jai… jai… jaai! Ek weet nie van julle nie, maar ek gryp na daai “ballen” van my en wag met spanning op sy oproep!
Shieeeeeet! Wil julle dit hoor? Regtig…. wil julle dit hoor? Oke, dit het soos volg gegaan.
Hy het gebel! Ons was alby beslis senuweeagtig! Ek was nog besig om hom n antwoord te gee op n vraag van hom, nog nie eers vyf minute in gesprek in nie, toe ek hom tussendeur hoor se… “Dit is het niet! Dit is het nie!” bly hy herhaal soos n grammafoon plaat waarvan die ou vergeet het om die arm met die naald op te tel.
Ek was aanvanklik, soos met my “vat niks nonsens Hollandse vriendin en haar second love” eers te f%^&^*n verbystert om te begryp wat gebeur. Wat die man vir my probeer se het, het soos n middeloor ontsteking wat byna gesond is na my toe gekom. Dit was so asof die klank deur n nou, dun tonneltjie op my afkom. Maar toe dit arriveer, toe weet ek wat die man se! En toe weet ek wat ek moet se!
‘Dat is dan toch heel duidelijk! Bedankt voor het belletje en totsiens!’
Die keer vermoed ek was daar nie eers n pot wat ek kon missit nie… dit was sommer straight foreward op die klippe!
Het ek dit oorleef, wonder julle seker nou? Dit was n aaklige ervaring, met n man wat ek vermoed, n idee in sy kop gehad het oor my of oor hoe ek gaan klink. En… wat toe nie in pas met die werklikheid was nie! Agteraf gesien, kon ek hom dalk eerder gevra het wat hy met die woorde bedoel… of hom gekonfronteer het met sy onbeskofde gedrag teenoor my.
Agteraf is n mens mos heelwat slimmer… dalk n volgende keer.
Intussen gaan ek tog nog n paar lekkies aan die wond gee ; )